Erandioko Gazte Asanbladako kideok duela zenbait hilabete esaldi honen bidez hasitako kanpainak eman ditu bere fruituak: Erandiok badu gaztetxea eta datorren hilaren 17an irekiko ditu ateak Inauteri jaia aitzakiatzat hartuta. Ospakizun hau, urtean zehar egiten ditugun beste hainbeste lez, ez da berria. Asanbladak martxan daramatzan bost urteetan zehar herrian errotutako beste jai bat baino ez da. Baina aurtengoak, berezitasun garrantzitsu bat du: gaztetxean izango da! Urteotan gazteok sortutako proiektu eta ekintzak aurrera eraman ahal izateko, Udalaren menpe egon gara orain arte. Kontrol, muga eta traba burokratikoez nazkatuta, argi ikusi dugu funtzionatzeko beste era baten beharra. Gazteak, gai gara inoren ikuskaritza eta oniritzia jaso gabe lan egiteko. Hemendik sortzen da guk gestionatuko dugun leku bat sortzearen beharra: gaztetxea hain zuzen. Argazkian, Erandioko Gazte Asanbladak atzo egin zuen Guztiz utzita zegoen lokala kolorez bete nahi dugu eta herriaren zerbitzura jarri. Gune aske bat sortu nahi dugu, non proiektu desberdinak gauzagarriak izango diren guztion elkarlanaren bidez. Beste sistema bat eraiki nahi dugu, kontsumismo itogarri honetatik harago doana.
Oraindik hasiberriak gara, baina proiektu honek luze jotzea espero dugu.
Gaurdanik, Erandioko gaztetxeak ateak zabal zabalik ditu jada hurbildu eta bertan parte hartzeko prest dagoen ororentzat. Proiektu guztiak direlako gauzagarriak eta gaztetxeak guzti horien etxea izan nahi duelako.
Gazteok batera Kalezulo aurrera!
Kalezulo gaztetxearen aurkezpenaren bideoa (© Erandioko Gazte Asanblada)
Erandioko Gazte Inauteriak
