Leioako Udaltzaingoak lagun bi atxilotu ditu lapurreta egiteko prest zirelakoan
Leioako Udaltzaingoak lagun bi identifikatu zituen ostegun goizaldean, ustez lapurreta egiteko prest zituzten tresnak aldean. Susmagarriak kotxean bueltaka zebiltzan kaleetatik oso abiadura motelean. Horregatik, kalez jantzira zeuden udaltzainek abisua eman zuten, udal iturriek adierazi dutenez. Segidan, goizaldeko 5ak aldera, patruila auto batzuk kotxea geldiarazi zuten Autonomia Etorbideko biribilgunean. Identifikazioa eskatu ostean, agenteek kotxea miatu zuten eta, bertan, lapurretan egiteko materiala (buru-berokiak, ahuntz-hankak, zizailak, zerrak, zulagailu elektrikoak, eta bihurkinak...) prest zegoela ikusi zuten, beti ere bertsio ofizialaren arabera. Horretaz gain, ustezko lapurrek ez zuten ibilgailuaren inolako dokumentaziorik, eta jabeak ere ez zirela egiaztatu zuten udaltzainek. Gidatzeko baimenik ere ez zuen gidariak, udal arduradunek hitzetan. Horregatik, udaltzainek kotxea udal depositura eraman zuten jabe bezala agertzen den pertsona Udaltzaingoaren egoitzan aurkeztu arte. Argazkia: © Leioako Udala.
Identifikatutako pertsona biek, 26 urteko C.V.C. eta 30 urteko A.C.V. lagunek, aurrekari penalak dituzte, horien artean, lapurretak, hiriko materialaren lapurreta, autoritatearen kontrako atentatua, edota dokumentuen faltsutzea egotzita. Konfiskatutako materiala eta identifikatutako pertsonen jarrera ikusita, Leioan lapurretan egiteko prest zirenaren susmoa du Udaltzaingoak. "Beraz, ekintza honekin delitu berri bat ekidin du tokiko poliziak", udal arduradunen arabera. Momentu honetan Leioako Udaltzaingoa pertsona bi horien datuak egiaztatzen dabil eta Ertzaintzaren zein beste polizia batzuen datuekin alderatzen. Ibilgailuaren kondukzioaren gainean salaketak jarri dira jada, eta Hiriko Segurtasuna arautzen duen Legearen araberako salaketak ere lantzen ari dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun