Lagun bat atxilotu dute Getxoko eta Trapagako tailerretan gurpilak iruzurren bidez eskuratzea egotzita
Ertzaintzak 24 urteko gizonezko bat atxilotu zuen atzo arratsaldean, Trapagan, iruzurra egitea egotzita. Horretaz gain, adin berdineko beste gizonezko bati delitu bera egotzi diote. Ustez, 4.500 euro baino gehiagoko balioa duten gurpilak lortu zituzten engainuen bidez Getxoko eta Trapagako tailer banatan. Eusko Jaurlaritzaren Herrizaingo Sailaren arabera, bi lagunek parte hartzen zuten maulan. Batek eskaera telefonoaren bidez egiten zuen eta besteak materiala tailerrean hartzen zuen. Atzo, arratsaldean, agenteek susmagarria atxilotu zuten Trapagako tailer batean gurpil batzuk batzen. Dirudienez, bere gaizkideak beste izen batekin egindako eskaera zen. Gutxienez, beste hiru aldiz, antzeko eskaerak egin ditu susmagarriak Getxoko eta Trapago tailerretan, polizia iturriek diotenez. Eskaera telefonoz egiten zuen gizonezkoak, gazte bat tailerretik pasatuko zela esaten zien eta tailerrekoek ohiko bezeroak zirela pentsatuz arazo barik ematen zioten materiala.
Baina, azken horren jarrera susmagarria iruditu zitzaien tailerreko langileei eta bezeroari deitu zioten galdezka. Gezurra zela konturatu zirenean, atzo arratsaldean, susmagarria tailerrean agertzean Ertzaintza bertaratu zen eta atxilotu zuten, iruzurra egitea egotzita. Halaber, agenteak gaztearekin harremanetan jarri ziren eta maula delitu bat egotzi zioten. Eskatzen zaionean epaitegian aurkeztu beharko da. Ertzaintzak ikertzen jarraitzen du ea beste tailerren batek antzeko iruzurra jasan duen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun