Elkarretaratzea iragartzeko kartela
"28 urte justiziarik gabe. Oroimena, duintasuna eta borroka" lelopean, GALek eraildako Eugenio Gutierrez Salazar “Tigre” 29 urteko errefuxiatu leioztarra gogoratzeko elkarretaratzea deitu du larunbat honetarako, otsailak 25, herritar talde batek. Hitzordua 13:30ean jarri dute Leioako Bulebarrean. "Tigre erail eta 28 urtera, agintean alderdi bat edo bestea egon, Espainiar eta Frantziar Gobernuak Euskal Herriaren aurkako gerra estrategiarekin bete betean jarraitzen dute: bahiketak, erasoak, atxiloketak, torturak, ilegalizazioak, espetxe politika ankerra, eta erabateko jazarpena erabiltzen dituzte herri honen aurka", salatu dute auzokideek. Hori dela eta, Euskal Herrian eman beharreko prozesu demokratikoa garatzeko, "horrelako errepresio mota guztiak desagertzea, justizia eta memoria berreskuratzea nahitaezkoa" dela uste dute. Bide horretan, larunbateko kontzentrazioan parte hartzera deitu dituzte leioaztar guztiak. Argazkian, Gudari Egunean ere gogoratu zuten Eugenio Gutierrez "Tigre" / cc-publicdomain.
Larunbatean beteko dira 28 urte frankotiratzaile batek Eugenio Gutierrez Salazar “Tigre” hil zuela, errefuxiatu talde batekin Zuberoako Idauze-Mendi udalerriko baserri batean zegoela. Euskara ikasketen atsedenaldian baserriaren atarira irten zenean tiro bat jaso zuen eta bertan gelditu zen hilik. Hilketa GALek beregain hartu zuen, baina orain arte inor ez da akusatua izan bere heriotzagatik. Aipatu herritar taldeak gogoratu duenez, "PSOEren Gobernuak GALen bidez, guztira 23 pertsona hil eta 60 baino gehiago zauritu zituen. Erakunde honen aurkako epaiketa prozesuan gobernuko kargu altuek, gaur oraindik orain, alderdian ardura handiak dituzten politikariek, bertan zuzenean parte hartu zutela frogatutzat eman zen". "Jon Anzaren desagerpenak eta ondorengo bere hilotzaren agerpenak GALen garaietan zegoen zigorgabetasun berdinarekin ibiltzen direla adierazten digu", gaineratu dutenez.
Elkarretaratzea iragartzeko kartela
Elkarretaratzea iragartzeko kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun