Euskal selekzioen bideragarritasun juridikoaz aritzeko Euskal Selekzioaren Aldeko Iritzi Taldeak (ESAIT) gaur 19:00etarako Plentziako kultur etxean antolatuta zuen hitzaldia bertan behera gelditu da. Taldeko kideek UKBERRI.NETi adierazi diotenez, "Euskal selekzioen bideragarritasun juridikoa eta etorkizuneko ibilbidea" hitzaldia ezin izango dute eman azken orduan suertatutako "arazo teknikoak direla eta". Bestalde, ESAITek ez du jakinarazi solasaldia atzeratu den ala egitea behin betiko baztertu duten. Aurretik, hilaren 9an, Algortan burutu zuten ekimena. Bertan, egungo marko juridikoan euskal selekzioen bideragarritasuna aztertu eta ofizialtasunaren bidean eman daitezkeen urratsak" jorratu zituzten, eskualdeko hainbat kirolariekin batera. Argazkian, Euskal Herriko futbolariak Kataluniaren aurka 2006an jokatutako partidaren aurretik, ofizialtasuna eske / © Naziobatselekziobat.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun