Ikuskizunaren aurrerakina (© Audience)
AUDIENCE plays AMERIKANUAK from infoaudience on Vimeo.
Ingelesez abesten duen Audience talde gernikarrak "Amerikanuak" dokumentalerako sortu zuen soinu banda aurkeztuko du zuzenean bihar Kultur Leioako auditoriumean. 21:00etatik aurrera, Gaizka Insunza (pianoa, gitarra), Hannot Mintegia (gitarra, banjoa, programazioak), Ager Insunza (pedal steel, steel gitarra, dobroa, biolina), Andoni Lauzirika (kontrabaxua) eta Mikel Sagarna (bateria) musikariek osatutako boskoteak 19 kanta eskainiko dituzte, blues, rock, country eta folk doinuetan oinarrituta. Horretarako denetarik erabiliko dute: pianoa, gitarra, biolina, steel guitar, baseak, programazioak eta esperimentazioak erritmo tradizionalekin. Sarrera 10 eurotan eros daiteke. Argazkian, Audience taldea / © Audience.
Nacho Reig eta Gorka Bilbaok zuzendutako "Amerikanuak" filma Donostiako 58. Nazioarteko Zinemaldian estreinatu zen, Zinemira atalean. Dokumentalak Euskal Herritik Nevada Estatuko Elkon-era joan zirenen eguneroko bizitza kontatzen du. Musika amerikarraren erroak eta aukera berrien bila joandako pertsonen istorioek bat egiten dute. Estilo ariketa bat eta bakarra da, eta musika pasarte horietan oinarrituz, musika bera nabarmendu egiten du. Bere aldetik, Audiencek bederatzi disko grabatuta zituen 2011 hastean, tartean "Amerikanuak" dokumentalaren soinu-banda.
Ikuskizunaren aurrerakina (© Audience)
Ikuskizunaren aurrerakina (© Audience)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun