Zerbitzu publikoen ezkutuko pribatizazioak eta langile klasearen pobretasunaren pixkanakako handitzea ez da kasualitatezkoa, kapitalismoaren egituraren krisi sakona kontutan hartzen badugu. Burgesia handiak eta finantza-oligarkiak, tokiko langileen eta herri zapalduen esplotazioaren bidez 2008 urtetik baino lehen lortzen zuten gain-balioaren erauzketaren maila berreskuratu behar dute. Horretarako, hainbat bide hartu dituzte soldatak murrizteko helburuarekin, eguneroko lan kantitatea handitzeko, eta herriaren bizitza kostua igotzeko. Baita ere, herrialde gehiagoren inbasioekin hasi dira (Irak eta Afganistan lehen, Libia, Siria eta Iran orain).
Langileok ezer ez dezakegu espero kapitalismoarengandik. Benetako boterea enpresariek eta bankariek dute, eta bakarrik iraultza sozialistak aldatu dezake egoera hau. Horretarako, langileok gureak diren egitura antolatuak eraiki behar ditugu, burgesiaren kontra borrokatzeko, eta baita ere honen erakunde politikoen aurka.
Bakarrik komunismoak, kapitalismoaren gainditzearen bidez, beharrizan kolektiboen betetasuna bermatzen du, lana, etxebizitza, eta orain ez ditugun eskubide guztiak ere. Kapitalismoan etorkizunik ez badago…
Komunismoa munduaren gaztetasuna da!
Gazte Komunisten Batasuna - UJC-Euskal Herria
Kapitalismoaren menpean gutxi batzuk aberasten dira gehiengoaren lanarekin, eta beraien eskuetan aberastasunaren %80a batu egiten dute. Krisia dela eta, bidegabezkoa den egoera honek bere alde krudelena erakusten du, Hego Euskal Herrian 500.000 lagun baino gehiago baitira pobreziaren atariaren azpitik bizi direnak, ia mila familia beren etxetik kanporatuak eta 192.314 langabetuak 4 probintzietan (eta 5,5 milioi Estatu mailan). Gazte langileen kasuan, orain ikasketa-kontratuak inposatzen dizkigute, lan eskubide barik, eta 426 euroko soldatarekin, gure beharrak betetzeko behar dugunaren oso urrun dagoena. Honek lortzen duen bakarra langile-klasearen talde ahulenaren prekarietatea handitzea da. Argazkian, GKBko ordezkari bat Gaztelan egindako formakuntza komunistarako eskola batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun