Beristainen eta sarekada bereko kideen aurkako autoa osorik:
Open publication - Free publishing
Imanol Beristain Gutierrez "Lolo" 29 urteko preso politiko itzubaltzetarra kalean dago jada, herri horretako Herri Bilguneak Beristainen senide eta lagunak iturri gisa aipatuta adierazi duenez. Gazteak arratsaldeko 8:20ak pasatuta zeharkatu du Madrilgo Alcala espetxeko atea. Bertan izan ditu zain herritik joandako gertukoak. Horiek guztiak, dena den, identifikatu eta hainbat denbora erretenitu dituzte polizia-kontrol batean. Beristainen senideek 30.000 euroko fidantza ordaindu behar izan dute. Orain bi aste behin-behineko askatasunerako bista izan zuen preso itzubaltzetarrak. Beristain 2010eko urriaren 22an atxilotu zuen Espainiako Polizia Nazionalak Fernando Grande Marlaska epaileak Segiko Ipar Uribeko arduraduna izatea leporatu ziola. Bost egun beranduago, itzubaltzetarrak tratu txar fisiko zein psikologikoak pairatu zituela salatu zuen Amnistiaren Aldeko Mugimenduak. Besteak beste, poltsa, kolpeak eta mehatxuen berri eman zuen. Harrez gero, prebentibo egoeran daukate Alcala espetxean, Getxotik 413 kilometrotara. Bertatik atera da gaur. Argazkian, Imanol Beristain atxilotu zuten egunean.
Espetxean egon zen bitartean, alaba izan zuen Imanolek, gaur arte aurrez aurreko bisitetan baino ez zuena ikusi. Beristainen egoera salatzeko makina bat mobilizazio egin zuten bere herrikideek zein Algortako San Nikolas ikastolako lankideek, tartean Itzubaltzeta / Romoko hiru auzokidek 5.000 eurotako isuna ordaindu behar izan zuten, Espainiako Poliziak eta Ertzaintzak haien aurkako zenbait salaketa jarri ondoren.
Auzokideek plazaratutako kartela
Beristainen eta sarekada bereko kideen aurkako autoa osorik:
Beristainen eta sarekada bereko kideen aurkako autoa osorik:
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun