Aralar Getxok, Kultur Etxearen birkokapena Sarajevoko zabalgunean egitea proposatzen dugu. Zabala eta irisgarria den gune bat, bere garaian Romoko Gaztetxea hartu zuena. Gaur egun utzita dagoen aparkaleku bat da, soilik Getxolandia, jaialdiak eta jaietako txosnak jartzeko balio duen gunea da. Santa Eugeniako auzokideek ikusi duten plaza despejatua dagoela eta handitzea komeniko litzatekeela.
Aralar Getxo
Getxoko Aralar: "Romo Kultur Etxea Sarajevoko zabalgunean egitea proposatzen dugu"
Orain urte bete Getxoko Udalak Romo Kultur Etxea bota zuen, Santa Eugeniako eskola zaharretan kokatua zegoena. Eraispena aurreratu zuten eraikinaren egoera txarrarengatik eta Romo Kultur Etxe berriaren eraikuntza aurreratzeko. Aralar Getxotik uste dugu, hau guztia 2011ko udal hauteskundeei begira zegoen estrategia bat zela. Zer hoberik horrelako tamaina duen eraikin bat aurkeztea Getxoko Udalak betidanik ahaztua izan duen auzo batentzat? Urte bete igarota, zergatik ez da ezer eraiki eta lehiaketarik deitu eraikitzeko? Romorentzat Kultur Etxe duin bat nahi dugu. Bost solairu Getxoko itsaslabarrak eta Galea irudikatzen. Zergatik ez dituzte itsaslabarrak eta Galeako ingurua zaintzen fatxada batean irudikatu beharrean? Ingurugiroaz arduratu gaitezen eta ez ditzagun eraikin bateko fatxadan irudikatu. Getxo arkitektura modernoaren museo bilakatzen ari da: Getxo Antzokia, Romo Kultur Etxea... Argazkian, Romo Kultur Etxerako proiektua / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun