Proba praktiko horretan, ikasleek biologiari, biokimikari eta genetikari loturiko ariketak egin beharko dituzte laborategian: animaliak disekzionatu edo, lupa eta mikroskopioekin, landareen zatiak edo prestaketa baten ehunak identifikatu, adibidez. Lehenengo hiru sailkatuek EAE ordezkatuko dute martxoaren 22tik 25era Murtzian egingo den Olinpiadaren Espainiako Fasean. Biologia Olinpiaden helburua batxilergoko ikasleak zientzia honen garapenean akuilatzea eta inplikatzea da eta, horrekin batera, gaur egun duen garrantzia nabarmentzea, horren aurrerabidea eta hedapena bultzatuta.
Hain zuzen ere, "egungo eta etorkizuneko erronka zientifikoei arrakastaz aurre egin ahal izateko, ezinbestekoa da ikasle belaunaldi berriek prestakuntza biologiko ona izatea, eta beharrezkoa da biologia arloan azterketak eta ikerketak egiteko bokazio berriak ager daitezen sustatzea", adierazi du Ana Isabel Puentek, Beñat Zaldibarrekin batera jarduera koordinatzeko lanetan aritu den irakasleak. Zientzia eta Teknologia Fakultateak eta Espainiako Biologia Olinpiadaren antolakuntza taldeak hiru ikasle irabazleak sarituko dituzte: diploma bana emango zaie; eta 2012ko martxoaren 22tik 25era Murtzian egingo den Olinpiadan parte hartu ahal izan dezaten, bertara joateko bidaiaren, ostatuaren eta otorduen gastuak ordainduko zaizkie.
Kimikan ere sari gehiago
Sari akademikoaz gain, Kimikako Euskal Olinpiadan garaile gertatzen diren hiru ikasleek eskudirua ere jasoko dute Espainiako Hezkuntza, Kultura eta Kirol Ministerioaren eskutik: hain zuzen ere, 380 euro lehenengoak, 285 euro bigarrenak eta 220 euro hirugarrenak, baita tokiko erakundeen aintzatespen sari eta diplomak ere.
Olinpiada Euskal Autonomia Erkidegoan Batxilergoko lehen eta bigarren zikloa egiten ari diren ikasleei zuzenduta dago. Helburua ikasleak zientzia honen garapenean akuilatzea eta inplikatzea da eta, horrekin batera, gaur egun duen garrantzia nabarmentzea, horren aurrerabidea eta hedapena bultzatuta. Zientzia eta Teknologia Fakultateko irakasleen iritziz, "ikasleen belaunaldi berriek ez badute prestakuntza kimiko eta, oro har, zientifiko sendorik, ezin izango zaie gaur egungo eta etorkizuneko erronka zientifikoei aurre egin".
Kimika eta Biologia olinpiadak egingo dituzte gaur eta bihar Leioako campusean
Kimikako Euskal Olinpiada hartuko du gaur, ostirala, EHUko Zientzia eta Teknologia Fakultateak. Orotara, 15 ikastetxetako Batxilergoko 50 ikasle inguruk parte hartuko dute lehiaketan, 16:00etatik aurrera, Pascual Roman irakasleak koordinatuta. Neska-mutilek zenbait proba teoriko gainditu beharko dituzte ikasgelan: proba horietan kimikako galderei erantzun beharko diete eta zenbait problema ebatzi. Garaile suertatzen diren hiru ikasleek Olinpiaden Espainiako fasean parte hartuko dute, Madrilen, apirilaren 28an eta 29an. Azken honetan ongien sailkatuta geratzen diren ikasleak Washingtongo Nazioarteko Olinpiadara (uztailean) eta Santa Feko (Argentina) Olinpiada Iberoamerikarrera (irailean) joango dira. Bestalde, otsailaren 11n proba teorikoa egin ondoren, larunbatean, 10:00etatik aurrera, Biologia Olinpiadako fase autonomikoko proba praktikoa egingo dute Batxilergoko bigarren mailako EAEko hamar ikasle onenek. Zientzia eta Teknologia Fakultatearen ere izango da aipatu lehiaketa. Argazkian, Batxilergoko ikasleak azalpenei adi EHUn egindako praktiketan / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun