Sopelak hirugarren urtez hartuko du Emakumeen Surf Txapelketa. Uribe Kostako Irekiaren aurtengo edizioa asteburu honetan jokatuko dute, Mankomunitateak martxoaren 8ko Emakumearen Nazioarteko Egunaren inguruan antolatutako kirol ekintzen barruan. Antolatzaileek jakinarazi duenez, lehiaketa hilaren 10ean eta 11n izango da, Arrietara hondartzan. Senior eta junior mailetako emakume surflari guztiei irekita dago. Lehiaketan parte hartu nahi dutenek, Euskal Herriko Surf Federazioaren (EHSF) bidez eman dezakete izena, www.euskalsurf.com webgunean, ehsf[abildua]euskalsurf.com helbide elektronikoan edota 944 735 125 telefono zenbakian. Izen-ematea doakoa da eta ostegunera arte egin daiteke. Argazkian, Lore Eizagirrek irabazi zuen 2010eko martxoaren 7an jokatutako Open Uribe Kosta surf txapelketaren lehenengo edizioa / © Sopela.net.
Emakumeen Neguko Surf Txapelketa goizeko 9etan abiatuko da, larunbatean, Arrietara hondartzan. Sariak, berriz, igandean banatuko dituzte, 12:30etik aurrera. 13:00etan, jai handi batek amaiera emango dio lehiaketari. Txapeldunak Lanzaroterako astebeteko bidaia (bi pertsonentzat) irabaziko du; bigarrenak asteburuko egonaldia Iparraldean edo Asturiasen, bi pertsonentzat, irailean edo urrian (ostatua baino ez); eta hirugarrenak kirola egiteko materiala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun