Gaixotasunez egarri eta gose greba utzita Marta Uriarteren etxeko enkantea atzeratu dute
Marta Uriarte Algortako Zubileta auzoko bizilaguna eta Stop Deshaucios Bizkaiko plataformako koordinatzaileak alde batera utzi behar izan du atzo abiatutako egarri eta gose greba. Izan ere, hipogluzemia batek osasun arazoak sortu dizkio, baraualdia hasi eta 12 ordutara. Uriartek etxeko hipoteka dela eta Kutxabank-ekin duen zorra etxebizitzaren truke kitatzea eskatzen du eta hori dela eta banku horrek Bilbon duen egoitzaren aurrean hasi zuen gose eta garri greba. Dena den, Stop Deshaucios Bizkaiko plataformatik zabaldu dutenez, Martak egarri eta gose greba berrartuko du osasunak utziko dionean. Bitartean, Neguriko epaitegietan Uriarteren etxebizitzaren enkantea atzeratzea erabaki du epaileak. Martak doako justizia eskatuta zuen eta azkenean jujeak onartu dio eta izapide guztiak atzeratu ditu algortarrari ofiziozko abokatua jarri arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun