Bizkaiko Foru Aldundikok 40 milioi euro adjudikatu ditu errepideak hobetu eta mantentzeko lanetarako. Horien artean, Leioan, Euskal Herriko Unibertsitateko saihesbidea eraikitzeko obrak esleitu dituzte: aurrekontua 7 milioi eurokoa da eta 18 hilabeteko epea dago horiek egiteko. Variante UPV Leioa aldi baterako enpresen elkarteari eman diote proiektua. Jose Antonio Olabarri Construcciones S.L., Viconsa S.A. eta Asfaltos Uribe S.A. enpresek osatzen dute elkarte hori. Obrek helburu bikoitza daukate: batetik, oraingo errepideari (BI-2731) trafiko-ahalmen handiagoa ematea, Leioa eta Erandioko campusera sartzeko trafikoa bideratuta. Eta bestetik, unibertsitateak etorkizunean izango duen parke zientifikorako bide perimetral berria sortzea. Argazkian, 2011ko uda aurretik EHUko Zientzia Parkean Biofisika Unitatea eraikitzeko hitzarmena izenpetu zuten Aldundiko eta unibertsitateko arduradunek / © EHU.
Bestalde, I. eremuko errepideen kontserbatze eta mantentze lanak Belako Lanak S.L., Excavaciones Cantábricas S.A. eta Asfaltados Olarra S.A. enpresek osatzen duten Labeko aldi baterako enpresen elkarteari esleitu zaizkio, bi urterako, 9,9 milioi euroko zenbatekoan. Eremu horretan, Uribe Kosta, Txorierri, Mungialdea, Busturialdea eta Lea Artibairen zati bat sartzen dira; guztira, 383 kilometro errepide.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun