Aurrekontuen onarpena edo luzapenaren gaineko erabakia martxoan hartzearen garrantziaren jabe gara eta horregatik Getxoko Bildun gai honekiko hartzen dugun edozein erabaki publiko egingo dugula argi utzi nahi dugu. Baina esan bezala, EAJren erantzunaren zain gaude oraindik ere.
Datozen asteotan, aurrekontu prozesuaren zein Bilduk hartutako erabakiaren barri emateko bide ezberdinak jarriko ditugu martxan (aldizkaria, herri-asanblada, eta abar). Horietan guztietan parte hartzera gonbidatzen ditugu getxoko herritarrak. Izan ere, ezinbestekoa deritzogu getxoztarrek udal aurrekontuen gaineko informazioa lehen eskutik ezagutzea eta euren ekarpenak egiteko aukera izatea.
Badakigu Getxoko herritar zein elkarte asko udal aurrekontuak noiz onartuko zain zaudetela. Aurrekontua udal baten urte osoko jarduna erabat baldintzatzen duen erabakia da. Horregatik, Bildutik ezinbestekoa deritzogu aurrekontu horiek modu garden eta parte hartzailean osatzea, orain arte udal honetan egin ez den bezala. Urrian adierazi genuen EAJrekin aurrekontuei buruz hitz egiteko prest agertu ginela. Joan den astean, lanean jarraitzen genuela gogorarazi genuen. Bilduk argi dauka EAJk aurkeztutako aurrekontu zirriborroa ez dela Getxok eta getxoztarrek behar eta merezi dutena. Hala ere, proposamen zerrenda luzea eta zehaztua entregatu genion EAJri; proposamen guztiak aurrekontuari zein Getxoko udaletik bultzatutako politikei ikuspegi sozialagoa, herrikoiagoa, euskaltzaleagoa eta parte hartzaileagoa emate aldera bideratuta daude. Martxoko lehen egun hauetan, EAJren erantzunaren zain jarraitzen dugu. Argazkian, Bingen Saitua eta Maitane Nerekan Getxoko Bilduko zinegotziak, aurreko prentsaurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun