Modu berean, ezin ditugu aipatu gabe utzi emakumeongan eragin zuzenak izango dituzten murrizketak: soldata minimo interprofesionalaren izoztea —bereziki kaltegarria etxe langileentzat eta enplegu zentro berezietan aritzen diren langileentzat beste batzuen artean—, pentsioen murrizketa, (emakumeok lehenagotik ere askoz txikiagoak dauzkagunak) gastu sozialaren txikitzea eta horren ondoriozko zerbitzu sozialen murrizketa... Azken hori, gainera, kontziliazioa posible egin ahal izateko beharrezkoa dugu, eta ondorioz, berau murrizteak esan nahi du emakumeak lan gehiago egin beharko dugula korrespontsabilitatea ez delako sustatuko.
Premiazkoa da eredu ekonomiko eta sozial berri bat eraikitzea Euskal Herrian. Eraso hauei aurre egiteko aukera bakarra dugu, eredu berri bat eraikitzea, eta emakumeok eraikuntza horren parte izatea; eredu berri bat behar dugu, langileria klasearen erdia baino gehiago osatzen dugun emakumeak kontuan hartuko gaituena eta egungo eredu patriarkala suntsitzea helburu izango duena.
Eredu justuago bat, non lanaren banaketa erreal bat emango den, lana bere osotasunean kontuan hartuko duena eta emakumeok egiten dugun lan erreproduktiboaren aitortza sozial eta ekonomikoa kontuan izango duena.
Jakitun gara aldaketa hauek guztiak erdiesteko emakumeak hitza eta erabakia izan behar dugula, izan ere, aldaketak ez dira nahikoa izango, euskal emakumeok pairatzen dugun zapalkuntza hirukoitza gainditzera zuzenduak ez badoaz, eta honetarako, alternatiba bakarra daukagu, prozesu hau guztia feminismotik eraikitzea, egun dauden neurri partzialetatik harago benetako aldaketa estruktural bat izan dadin, non gure eskubideak aitortuak izango ditugun.
Premiazkoa da mobilizazio sozial, sindikal eta politiko bat bultzatzea euskal herriko emakumeak gure etorkizuna erabaki dezagun.
Hau guztia kontuan harturik, datorren martxoaren 29an greba orokorrean parte hartzeko deialdi berezia egin nahi die LAB sindikatuak emakume guztiei, gune hauek ere emakumeonak egin eta ikustarazteko aspaldi erabaki genuela inolako zapalkuntzarik onartzeko prest ez gaudela.
LAB sindikatua
www.labsindikatua.org
2008an krisia hasi zenetik, ikusten ari gara honen aitzakiaren pean zein baino zein bortitzagoak izaten ari diren erreformak inposatzen ari zaizkigula. Erreforma hauek guztiek langileria klase osoa kolpatuko badute ere, oso modu bortitzean eragingo digute aurretik ere kolektiborik kaltetuenen artean gauden emakumeoi. Inposaturiko neurri hauek guztiek prekarietate laboral eta sozialean areagotze ikaragarri bat ekarriko dute, bereziki emakumeon kasuan urteetako borrokari esker lorturiko eskubideak ere galtzeko arriskua izanik. Baina argi daukagu,ez gaudela prest egoera hauek guztiak onartzeko. Neurrion artean aipatzekoak dira honakoak: kontziliazioari oraindik eta oztopo handiagoak ipiniko dizkiote jardunaldi partzialetan ordu estrak onartuko direlako eta, modu honetan, lantokietan malgutasuna areagotuz, zaintzarako lan orduen murrizketan ordu zehaztapena egiteko enpresei eskumen osoa emango diete, erabakia beren esku utziz; amatasun edo eta zaintzarako baimenaren ondorengo diru laguntzak kenduko dituzte, eta absentismoaren ondoriozko kaleratzeak erraztuko dituzte jakinik ere honek ondorio larriak izango dituela bereziki emakumeon kasuan, bateragarritasuna oraindik orain emakumeen gainean erortzen den kontua da. Argazkian, 2011ko azaroaren 25eko Emakumeenganako Indarkeriaren Kontrako Nazioarteko Egunean laneko sexu jazarpena salatu zuten LABeko 50 bat delegatuk Astrabuduko Josu Murueta plazan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun