Bizkaiko Foru Aldundiak astelehen honetan zabaldu du Udalekuak 2012 programan izena emateko epea. Jolas eta heziketa egonaldien programa 7 eta 13 urte bitarteko neska-mutilei zuzenduta dago. Guztira, 1.660 leku eskainiko dira 14 instalaziotan. Horietatik bi Uribe Kosta eskualdean daude: batetik, Bizkaia-Athletic izeneko jarduerak hartu ohi ditu Leioako Sarriena auzoko Askartza Claret (Atalaia) egoitzak; eta bestetik, Gorlizko hondartza ondoko aterpetxean ere egiten dituzte ekintzak. Aldundiaren Udalekuak 2012 programak bi modalitate ditu, euskarazkoa eta elebiduna, eta helburua da umeei gozatzeko eta autonomia pertsonala sendotzeko aukera emango dien jolaserako, ondo pasatzeko eta bizikidetzarako gune bat eskaintzea. Interesdunek martxoaren 23ra arte izango dute izena emateko epea, eta izena emateko edo informazioa lortzeko, Gazteria Zerbitzura jo daiteke, edo, bestela www.gaztebizz.com/udalekuak webgunera sartu. Argazkian, Gorlizko aterpetxea / © Gaztebizz.
Behin betiko lekuak apirilaren 25ean esleituko dira, notarioaren aurrean egingo den zozketa publiko baten bidez. Ordainketa egin eta adjudikatutako lekuen erreserba formalizatzeko azken eguna maiatzaren 9a izango da. Lekuen %5 minusbaliotasunen bat duten pertsonentzat da
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun