Leioako Udal Euskara Zerbitzuak Gazterpe Abenturaren irteera berria prest dauka jada. Oraingo honetan, Lekeitiora egingo dute txangoa neska-mutilek, apirilaren 10etik 13ra bitartean. Asteburu horretan herritik ibilbidea egingo dute, itsasargia bisitatuko dute eta lip-duba prestatu eta grabatuko dute, animazio ekintzak bideratzeaz gain. Izena emateko epea martxoaren 20ra arte zabalik egongo da, 09:00etatik 14:00etara Kultur Leioan dagoen Euskara Zerbitzuan. Irteera honetarako ordaindu beharrekoa 74,94 euro dira. Irteeraren gaineko informazio gehiago aipatu tokian eskura daiteke. Gazterpe Abentura 1996tik 1999etara bitartean jaiotakoentzako ekintza da. Horren helburua aisialdian euskarazko gune bat izatea da. "Beraz, parte hartzen dutenek gaitasun nahikoa beharko dute egun horietako elkarbizitza euskaraz egiteko", zehaztu dute udal iturriek. Argazkia: cc-by jubadomi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun