Bizkaiko Foru Aldundiak 1.895.671 euroko diru-laguntza eman dio Getxoko Udalari, 2015era arte bere udal mugartean dauden Areeta, Ereaga, Arrigunaga eta Azkorri hondartzak garbitzeaz ardura dadin. Tokiko erakunde getxoztarrari emandako finantzazioa honela banatuko da: 2012an, 453.117 euro jasoko ditu; hurrengo urtean, 466.710 euro; 2014an, 480.711 euro, eta 2015ean 495.133 euro. Aldundiak Ingurumen Sailaren bitartez eman dion diru-laguntza dela-eta, Getxoko Udalak ondoko lanak egin beharko ditu, besteak beste: hondartzetan, aparkalekuetan, sarbideetan edo kalen ondoko atsedenlekuetan utzitako edozein hondakin jaso eta kentzea; hondakinentzako paperontziak eta edukiontziak jartzea; harea nibelatzea eta hondartzen inguruko drainatze-sareak eta euri-uretarako sareak, estolda-zuloak eta estoldak mantentzea. Argazkian, garbitzaileak Ereagan denborale baten ostean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun