Gauzain bezala 12 lagun arituko dira koordinatzaile baten laguntzarekin. Pertsona horiek informazio zerbitzua emango dute, Udala eta herritarren arteko harremana estutzeko. "Udaltzaingoarekin koordinatuta, langileek udal informazioa emango diete herritarrei eta beste lan batzuk ere egingo dituzte: adibidez, herriko ondarea zaintzea, gertakarien berri ematea, udal kanpainen zabalkundean parte hartu, eta nola ez, herritarren kezka, kexa eta iradokizunak udal arduradunei helaraztea", zehaztu dutenez.
Pertsona nagusien zaintzaileak
Beste 10 lagun, koordinatzaile baten laguntzarekin, pertsona nagusien laguntzaile eta jagole bezala arituko dira. Herrian diren pertsona nagusiei laguntza emango diete etxez etxe. Zereginen artean adibidez, medikura laguntzea, erosketak egitea, solasaldiak izatea... Horrekin lotuta, beste lau lagunek ikerketa berezia jarriko dute martxan, bakardadea, dependentzia eta deserrotzea jasaten duten 65 urtetik gorako pertsonen artean. Udal arduradunen araberam "ikerketa honetan agertuko diren datuak oso baliagarriak izango dira Leioako Gizarte Zerbitzuetarako, dependentzia duten pertsona hauei zuzendutako ekintzak eta zerbitzuak moldatzeko, beharrizanen arabera".
Enpresa arloa
Enpresa arloaz arduratzen diren langileen artean atal bi bereizi behar dira: alde batetik, lagun bik Leioako enpresa guztien eguneratutako datu base bat sortuko dute, horien arteko harremana sendotzeko, baita Udalarekikoa ere. Bestalde, beste pertsona lau, gehi koordinatzaile bat, ekonomikoki menpekoak diren langile autonomoei beharrezko zaien erregulazioaren informazioaz arduratuko dira. "Leioan hainbat pertsona daude egoera honetan, langile talde honen barruan daudenak baina euren lan legeria ez dutenak ezagutzen. Kontratatutako pertsona hauen helburua lan legeri honetaz beharrezko informazioa ematea da, eta langile hauek behar bezalako informazioa izan dezaten", azaldu dute Udaletik.
Leioako 35 langabetuk lanpostua lortu dute aurten Udalak eta Lanbidek martxan jarritako programa bati esker. Kontratazioaz gain formazioa ere jaso dute aurretik, aipatu eginbeharretarako behar bezala prestatuta egoteko. Tokiko iturriek azaldu dutenez, Behargintzak egindako ikerketei esker, udalerriko lan merkatuan dagoen eskariaren nondik norakoak jakin ahal izan dira. Datu horiek kontutan hartuz, Behargintzak 26.100 euro bideratu ditu 47 pertsonek prestakuntza berezia jasotzeko; eta Lanbidek 585.000 euroko partida jarri du 35 pertsonen kontrataziorako. "Lanpostu berri hauekin herriko langabetuen lan merkaturatzea errazten da, eta bide batez, horiek gizartearen aldeko ekintza positiboak egiten dituzte", aipatu dute udal arduradunek. Martxan jarri izan diren proiektuak honakoak izan dira: gauzainak, pertsona nagusien laguntzaileak, eta enpresa sarea bultzatzeko lanpostuak. Enplegu horiek sei hilabeteko iraupena izango dute, lanaldi osoan. Argazkian, Behargintzaren Leioako bulegoa (Mendibile, 3) / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun