Euskal Herriak bizi duen gatazka politikoaren konponbideaz arituko dira bihar Algortan
“Nola konpon daiteke Euskal Herriak bizi duen gatazka politikoa?” izenburupean, ostiral honetarako, martxoak 16, mahai-ingurua antolatu du Itsasoruntz ekimenak. Hitzordua 19:00etan jarri dute, Algortako Villamonte kaleko kultur etxean. Batetik, Francisco Letamendiak (EHUko irakaslea), Ramon Zallok (EHU-ko irakaslea) eta Paul Riosek (Lokarri) hitza hartuko dute, azalpenen ostean galderak egiteko aukera ere izango dela. Bestalde, Koldo Iturbe Getxoko kultur zinegotziak (EAJko udal taldearen bozeramailea) eta Saioa Villanueva (Bildu) Sopelako alkateak maila hurbilagotik aztertuko dute gatazka. Gainera, tarteka, bi ikus-entzunezko proiektatuko dira: batetik, Itsasoruntzek azken 5 urteotan egindako ekimenei buruzko bideoa; eta bestetik, Getxorantz (1997) mugimenduari buruzkoa. Amaitzeko, lunch goxoa dastatuz solasean aritzeko aukera izango da / publicdomain.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun