Getxoko eskolako “Dordoka la contracorriente” taldeak sortu eta koordinatutako herri antzerki proiektua da. Aktore profesionalek, herriko elkarteek eta norbanakoek parte hartuko dute. "Beraiez eta bizi diren tokiaz hitz egiten den espektakulua osatzen dute", nabarmendu du Iurrek. Aipatu duenez, "Berangoko emakume horietako batzuen lorpenetan oinarritu da". "Gure iraganaz ari den istorio bat sortu dugu, urte horietako laino zerratuan harrapatuta gera zitezkeen emakumeez: 70eko hamarkadako lehenengo urteez, hain zuzen. Baina, gogor ekinez, ura garraiatuz, kilometroak ibiliz eta amestuz, burua lainoaren artetik atera eta bizitzea lortu zuten. Indarrez, ilusioz, ikasteko gogoz, bizitzea letra larriz".
Gainontzeko ekitaldiak
Hala ere, askoz ekitaldi gehiago hartuko dituzte hilaren 3an abiatu ziren Emakumeen Jardunaldiek. Proiekzioak, eztabaidak, kontzertuak, ipuin kontalariak, eta abar izango dira. Besteak beste, La Kantoria Leioako Musika Eskolako gazteen taldeak kontzertua emango du martxoaren 24an, Berango Antzokian. Hurrengo egunean, "Klik klak” ipuin kontalari saio dibertigarria eskainiko du Apika taldeak. Programazioari hilaren 31n emango diote bukaera, Yoshie Sakai-ren Japoniako musika tradizionalaren errezitaldiaren bitartez. "Koto" tresna joko du Europa osoan kontzertuak eman dituen emakumeak.
Emakumeak izango dira martxoko kultur ekitaldien protagonista nagusiak Berangon. Larunbat honetan, hilak 17, “Heroínas de Berango” ikuskizuna iritsiko da eszenara, udalerriko emakumeen kontakizunak oinarri bezala dituen lana. Saioa 19:00etan izango da Berango Antzokian, sarrera doan. "Arauak apurtu dituzten, beraien garaian aitzindari izan diren eta nahi dutena egin duten emakumeak" ditu hizpide muntaiak. Arantza Iurre Getxoko Antzerki Eskolako kideak azaldu duenez, "emakume ausarten erreferentzia behar dugu eta horixe bera izan dira aipatutakoak guretzat". Besteak beste, atsegin zutena egin zuten Rosa Vigiola eta Garbiñe Uribe igaroko dira agertokitik. Biak ala biak automobil rallyetan aritu ziren 70eko hamarkadan. Josefina Mota ere ez da hitzordura faltako; beti jakin minez, gerratik irten eta gaindipen pertsonalaren eredu bilakatu dena. Bestetik, aldi berean ezkondu ziren Olague anai-arrebak gogoratuko dituzte. Bitxikeria bezala, apaiza zen beste anai batek ezkondu zituen. Argazkian, 2010eko Emakumeen Nazioarteko Egunaren harira, erakusketa osatu zuten Berangoko emakumeen irudiekin / © Berango.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun