Guzti hau esanik, Askapenak bat egiten du Hego Euskal Herriko greba deialdiarekin eta herriari deialdia luzatzen dio, egun horretan erantzun zabal bezain zuzena eman diezaiogun bizi dugun zapalkuntzaren arduradunei, egunsentian hasita pikete eta mobilizaziotan aktiboki parte hartuz. Internazionalistak garelako gure eginbeharra da independentzia eta sozialismoa gauzatzea, bide honetan eman beharreko ezinbesteko pausuak babestuz, beti ere, ekarpen hau izanik, egin dezakegun hoberena gainerako herrien askapen prozesuak sendotu ahal izateko!
Martxoaren 29an denok kalera!
Gora euskal herria internazionalista!
Independentzia eta sozialismoa lortu arte, hamaika herri borroka bakarra!
Azken urteotan kapitalaren erasoaldi beldurgarria jasan beharrean aurkitzen da herri langilea: lan murrizketak, eskubide sozial eta politikoen debekuak eta errepresioa. Krisi garaian gertatu ohi den bezala, agerian utziz bost axola zaiola kapitalari estatu kolpeak ematea, herritarrak pobretu edo hezkuntza edo osasuna bezalako eskubide unibertsalak gutxiengo batzuen eskutan jartzea. Arazoa baina lehenagokoa da, kapitalismoa bera bezain zaharra alegia. Eredu honek merkatuaren gutiziak baino ez ditu asetzen, besteak beste, herri, langile, emakume eta ama lurra bidegabeki ustiatuz. Beraz ez gara une bateko oldarraldiaren aurka ari, sistema oso baten aurka baizik. Erasoaldi honi aurre egiteko baina, Europa zaharrean erresistentzia berriak sortu dira, Greziako den arren adibiderik esanguratsuena, beste hainbat herri langile ere kalean ari da euren eskubideen alde. Antolatu eta borrokatu besterik ez dugulako gure etorkizuna eraiki nahi badugu eta honetarako ezinbestekoa da herri bezala erantzutea, herri mugimenduak artikulatzea eta kalea geure egitea. Bide honetan ez ginen atzo goizean hasi eta datozen asteetan ere ez da ezer amaituko, asko dugu egiteko eta geure eskutan dago hortzak erakutsiz euskal iraultzaren lehen mugarriak jartzen hastea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun