Horretaz gain, biharko udal batzarrean, beste atal batzuen artean, Bilduk aurkeztu duen martxoaren 29ko greba orokorraren aldeko mozio bat ere aztertuko dute. Ondokoak eztabaidatuko dituzte:
Aztergaien zerrenda
1.- Berri ematea. Gaia: 0188/2012 Alkatetza Dekretua, Alkatetzaren eskuordetzeari buruzkoa.
2.- Berri ematea. Gaia: 0243/2012 Alkatetza Dekretua, 2011ko Aurrekontu Orokorraren kitapena zuzentzeari buruzkoa.
3.- Berri ematea. Gaia: 0244/2012 Alkatetza Dekretua, Aurrekontuko kredituak kreditu gehigarrien bidez aldatzeko 2. zenbakidun espedienteari buruzkoa.
Atal erabakitzailea
Ekonomia eta Ogasuna
4.- 2012rako Udal Aurrekontuaren hasiera batean onestea, bidezkoa bada.
Langileria eta Herritarren Segurtasuna
5.- 2012rako plantilla eta lanpostuen zerrenda eta hasiera batean onestea, bidezkoa bada.
Proposizioak
6.- 2012ko martxoaren 29ko grebari buruzko proposamena.
Argibide, Sustapen eta Kontrol atala
7.- Presako mozioak, halakorik bada.
8.- Erregu eta galderak.
Sopelako Udalbatzak astearte honetan, hilak 20, egingo du martxoko ohiko osoko bilkura. Bertan, besteak beste, 2012ko udal aurrekontuak eztabaidatuko dituzte. Horrenbestez, bihar amaiera emango zaio aurrekontuak garatzeko eta prestatzeko gauzatu den egitasmo oso bati. Bilduk prozesu parte-hartzaile bati ekin zion abenduan: egitasmo horren barruan bost herri batzar antolatu zituen, eta galdetegia banatu zuen udalerriko etxe guztietan, herritarren iritzia eta ekarpenak jasotzeko. Urtarrilean aurrekontuen zirriborroa aurkeztu zitzaien beste alderdi politikoei, eta hasierako asmoa otsaileko udal batzarrean aurrekontuak onartzea bazen ere, martxora arte atzeratu dute EAJk eta PSE-EEk horrela eskatu dutelako. Osoko bilkura 19:30ean hasiko da. Tokiko agintariek gogoratu dutenez, "udal bilkurak guztiz publikoak dira, eta beraz, auzokideek bertara joateko eta euren iritziak bilkurari plazaratzeko eskubidea dute". Argazkian, udal zinegotziak otsaileko osoko bilkuran / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun