Mankomunitateko greba batzordeek manifestazioa egingo dute ostiralean Plentzian
ELAk, LABek eta EILASek mobilizazioak iragarri dituzte hilaren 21, 22 eta 23rako Hego Euskal Herriko erakunde publikoetan. Egoera "oso larria" dela azpimarratu dute sindikatuetako kideek, eta alor publikoan espero diren murrizketak "gizartearen kontrako neurri onartezinak" direla adierazi dute. Gainera, martxoaren 29ko greba orokorra jarraitzeko eskatu diete herritarrei. Sindikatuen lekukoa hartuz, ostiralerako deitu dute manifestazioa Berango, Sopela, Urduliz, Barrika, Plentzia, Gorliz eta Lemoizko greba batzordeek. Justizia sozialaren alde eta eskubide sozialen murrizketen kontra, iluntzeko zortzietan jarri dute hitzordua, Piruli plazatxo plentziarrean. Besteak beste, Berangotik kotxe karabanan joango dira Plentziaraino, 19:00etan Miliatik abiatuta. Argazkian, Ertzaintza eta informazio-pikete bateko kideak Sopelan, 2011ko urtarrilaren 27ko greba egunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun