Ostegun honetan, hilak 22, martxoko ohiko osoko bilkura egingo dute Berangon. Horri begira, Bilduk lau mozio aurkeztu ditu, udal batzarrean eztabaidatuak izan daitezen: euskal preso politikoen eskubideen aldekoa, Kutxabank-eko eraketari buruzkoa, eremu publikoko erreformaren ingurukoa, eta Garoñako zentral nuklearra ixtekoa, hurrenez hurren. Presoen inguruko mozioaren bidez, koalizio ezkertiarrak horien eskubideekin konpromisoa hartzea eskatuko dio Berangoko Udalari. Horrela, Bilduk udal bilkurari honakoa onartzea proposatuko dio: dispertsioaren amaiera, gaixorik dauden presoen askatasuna eta kondena betea duten presoen askatasuna. Argazkian, Egin Dezagun Bidea ekimenaren mobilizazio deiarekin bat, 2011ko abenduaren 16an, euskal preso politikoen eskubideen aldeko elkarretaratzea egin zuen Berangoko Bilduk.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun