Basalan enpresa arduratuko da Galeako pasealekuak, Gorlizko pinudia eta garbiguneak mantentzeaz
Aldundiko Ingurumen Sailak Bizkaiko Basalan-Akziozko Baltzua enpresari agindu dizkio lurraldeko 45 tokiren mantentze-lanak. Horretarako, 1.163.128 euroko inbertsioa egingo du foru erakundeak. Atsedenlekuetan, hondartzetako laguntza-eremuetan eta parkeetan, ondoko lan hauek egingo dituzte: belarra erein eta moztea, zuhaitzak inaustea, landare-hondakinak eta paperontzietako hondakinak garbitu eta kentzea. Eskualdera etorrira, Galea pasealekuetan eta Gorlizko baterien eta pinudiaren eremuetan, goian aipatutako lanez gain, lurra garbitu eta zarama batu beharko du Basalanek. Garbiguneei dagokienez, egin beharreko mantentze-lanak ondokoak dira: belarra moztea, zuhaitzak inaustea, sastrakak garbitzea eta landare-hondakinak garbitu eta kentzea, besteak beste. Gurean, Sopelan, Algortan eta Erandion ditugu etxeko hondakinak eta antzekoak gaika batzeko zentroak. Argazkian, Galeako gotorleku ingurua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun