Xabier Silveirak bertsoen bitartez aurkeztuko du azken eleberria bihar Algortan

Ostegun honetarako, martxoak 22, saio berezia prestatu dute Eztabaida gune antiautoritarioko lagunek. Algortako Villamonte plazako A4 zenbakiko lokalera gonbidatu dute Xabier Silveira idazle eta bertsolari bertsolari lesakarra, "A las nueve en el Faisan" izenburuko bere azken eleberria aurkez dezan. Baina, esan bezala, ez da hitzaldi arrunta izango: nafarrak bertsoen bidez aurkeztuko du "A las ocho en el Bule" nobelaren jarraipena. Horretarako, Fredi Paya eta Ekaitz Larrazabal "Katxo" bertsolari algortarrak izango ditu lagun, gai-jartzaile lanetan. Gauzak horrela, eleberria espainolez idatzita egon arren, euskaraz izango da ekitaldia. Hitzordua 19:30ean jarri dute Eztabaidan, sarrera doan. Argazkian, Xabier Silveira / cc-by-nc Patxi Gaztelumendi.