Leioako Sarriena auzoko Askartza Claret ikastetxeko Atalaia egoitzan egin ohi diren udalekuak aurrera eramateko, hitzarmena izenpetu berri dute Bizkaiko Foru Aldundiak eta Athletic Club taldeak. Egonaldiak uztailaren 21etik 30era bitartean izango dira. Orotara, 12 eta 13 urteko ehun neska-mutilentzako tokia egongo da. Batez ere, kirolen inguruko jarduerak egingo dituzte. Baina, horretaz gain, tailerrak, gau jaialdiak eta ibilaldiak izango dituzte gazteek. Udaleku horietan parte hartzen duten neska-mutilek, gainera, aukera izango dute Athletic-eko lehen mailako jokalariekin hitz egiteko: bai gizonezkoen taldeko kideekin, bai nesken taldekoekin. Bizkaiko Foru Aldundiak 76.356 euroko diru-laguntza emango du udalekuon finantziaziorako. Argazkian, hainbat nerabe Athleticzale 2009an, Valentzian jokatutako Koparen finala Algortako Telletxe plazan ikusten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun