Hasiera batean zurrumurruak zirenak konfirmatu egin dizkiote UKBERRI.NETi euskal preso eta iheslari politikoen eskubideen aldeko Itzubaltzeta / Romoko herri bilguneko kideek. Iñaki Gonzalo Casal "Kitxu" etxera eraman dute, larriki gaixo dagoen bere amari bisita egiteko. Orain, bertan da gatibu itzubaltzetarra. Arratsaldeko bostak aldera heldu ei da. Orduotan kalez jantzitako bospasei polizia ikus daitezke etxe inguruan eta Ertzaintzaren bi furgoneta dabiltza bueltaka. Tokiko herri bilguneak larunbatean jakinarazi zuen Gonzalo Casal Araba aldeko Zaballa espetxera aldatu dutela. "Seguruenik, larri gaixorik dagoen ama bisitatzeko aukera izango du", adierazi zutenez. Esan eta izan. Joan den urriaren 14an ere etxera ekarri eta animo oihu eta txalo artean jaso zuten auzokideek auzokideek. Argazkian, Kitxu irribarretsu erantzun zien aurrekoan bildutako 50 bat senide, lagun eta auzokideei, ertzainek eraman zuten bitartean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun