Gazterpe Abenturaren irteera berrian izena emateko epea astelehenera arte edo tokiak bete arte luzatu du Leioako Udalak. Apuntatzeko Kultur Leioan dagoen Euskara Zerbitzura jo beharko dute neska-mutilek, 9:00etatik 14:00etara. Irteerako ordaindu beharrekoa 74,94 euro dira. Oraingo honetan, Lekeitiora egingo dute txangoa gazte leioaztarrek, apirilaren 10etik 13ra bitartean. Asteburu horretan herritik ibilbidea egingo dute, itsasargia bisitatuko dute eta lip-duba prestatu eta grabatuko dute, animazio ekintzak bideratzeaz gain. Irteeraren gaineko informazio gehiago aipatu tokian eskura daiteke. Gazterpe Abentura 1996tik 1999etara bitartean jaiotakoentzako ekintza da. Horren helburua aisialdian euskarazko gune bat izatea da. "Beraz, parte hartzen dutenek gaitasun nahikoa beharko dute egun horietako elkarbizitza euskaraz egiteko", zehaztu dute udal iturriek. Argazkia: cc-by jubadomi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun