Fakturen %93 ezarritako legezko epearen barruan ordaindu zuen iaz Getxoko Udalak
Getxoko Udalak bere ondasun, lan eta zerbitzuen hornitzaileen fakturen %93 ezarritako legezko epearen barruan (50 egunean) ordaindu zuen 2011n, tokiko iturriek adierazi dutenez. "Ehuneko horrek erakusten du enpresen zerbitzu eta hornigaiak ordaintzeko ezarritako legezko epea betetzeko indizerik handienetakoa duen udala dela Getxokoa", gaineratu dute. Ana Helguera Ogasun, Giza Baliabide eta Sustapen Ekonomikorako zinegotziak datu horien gaineko balorazio "oso ona" egin du. “Une hauetan, ekonomia suspertzeko Arlo Publikoaren berankortasun handia oztopo nagusienetakoa den une hauetan, 50 eguneko legezko epea betetzea ohiz kanpokoa bihurtu da, eta horren eredu nabarmena da Getxoko Udalarena. Konpromiso hori bete ahal izatea bermatu duena udal kontu onbideratuak edukitzea izan da, zorroztasuna eta gogortasuna ezaugarri duen politika ekonomikoaren ondorio direnak”, aipatu du udal arduradunak. Argazkian, Getxoko udaletxea.
2011ko ekitaldian, 9.891 faktura ordaindu ziren, guztira 57.352.637 euro, 50 eguneko epearen barruan, tokiko iturriek emandako datuen arabera. Epez kanpo ordaindutakoen %80 hurrengo hilabetearen barruan ordaindu zen. Horien ehuneko handi batean, ordainketen atzerapenak udal administrazioarenak ez ziren arrazoiengatik eman ziren, hala nola, akatsak fakturen izapidetzean, horien desegokitasuna, eta abar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun