Gainera, enpresa pribatuen eta bankuen esku diru publikoko kopuru itzelak jarri ostean, azken boladan erakunde publiko ia guztiak hasi dira hezkuntza, osasun, gazteria, parekidetasun, euskara eta, jakina, kultur aurrekontuak izozten eta askotan murrizten, defizita orekatzearen aitzakiaren pean. Gure herriko jaiak ez dira horretan salbuespena izango.
Era berean, osteguneko grebaren bidez bertan behera utzi nahi den erreforma, kasu honetan lanari eta negoziazio kolektiboari dagokiena, ez da krisiaren aitzakiaren pean ezarri diguten lehena, baina bai orain arte ezagutu dugun atzerapenik gogorrena. Besteak beste, langileak arrazoirik gabe kaleratzea eta lan baldintza okerragoak ezartzea errazten ditu erreformak. Eta gure herriko langileak ere ez dira salbuespena izango.
Erreforma hori eta datozenak bertan behera utzi ezean, litekeena da Itzubaltzeta / Romoko behargin gehiago langabe gelditzea eta beharrean jarraituko dutenetariko askok lan baldintza okerragoak pairatzea. Horrela izango bada, zeinek izango du dirua gure herriko denda eta tabernetan erosketak egiteko? Zenbat pertsiana gehiago jaitsiko dira behin-betiko? Eta etorkizun horretan, norekin batera antolatu ahal izango ditugu jaiak?
Ostegunean kalean ikusiko dugu elkar.
Erromo eta Pinuetako jai batzordea
Itzubaltzeta / Romoko jai batzordea: "Jai herrikoiak defendatzeko ere, greba orokorra!"
Datorren ostegunerako, martxoak 29, Euskal Herriko sindikatu guztiek eta makina bat eragilek deitu duten greba orokorrarekin bat egitea erabaki du Erromo eta Pinuetako jai batzordeak. Izan ere, aspaldidanik, krisialdi ekonomikoaren garai hau heldu aurretik, auzo proiektuak eta kultur proiektu parte-hartzaileak jada krisian zeudela gogoratu beharra dugu. Jai herrikoiak, herri folklorea, kaleko kultura, auzo eta euskal ohiturak gordetzea... inoiz ez dira izan administrazioentzat "proiektu estrategikoak" edo "inbertsioak", ahal izanez gero jaitsi egin beharreko gastu arruntak baizik. Eta urteotan horiek aurrera eramateko lortu ditugun herri baliabide guztiak auzokideen, elkarteen, dendarien eta ostalarien babesari esker izan dira. Argazkian, iazko greba orokorrean Itzubaltzeta / Romoko greba batzordeak egindako elkarretaratze bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun