Bilduren gobernua erabilera ”interesatu, alderdikoi eta okerra” egiten ari dela adierazi du Sopelako EAJk
Bilduren udal gobernuak Bateragune auzia bertan behera uzteko egindako eskaera "alde bakarreko eta alderdikoia" dela salatu du gaurkoan Sopelako EAJk. Jelkideen hitzetan, “ebazpen hau ez da udal usoko bilkuran bozkatu; ondorioz ez dio hiritargoaren gehiengoaren interesari erantzuten. Herriaren ordezkaritza osoko bilkuran dago ordezkatuta, eta ez Bildu taldeak gehiengorik gabe mantentzen duen gobernu taldearen interes alderdikoian". Berta Rodriguez Sopelako PPren zinegotzi bakarrak antzeko argudioak erabili zituen aipatu proposamena gaitzesteko, atzo plazaratutako prentsa oharrean. Hala ere, Bilduko agintariek argi eta garbi utzi zuten zabaldutakoa "udal gobernuaren adierazpen instituzionala" zela. Bitartean, Auzitegi Gorenak ez du gaur Bateragune auziaren inguruko erabakirik hartuko, Berria.info agerkari digitalak zabaldu duenez. Argazkian, 2011ko ekainaren 27an Sopelan egindako elkarretaratzea / © Sopela.net.
EAJk gaineratu duenez, “Bilduk udal baliabideekin egiten duen erabilerarekiko ezadostasunik irmoena adierazi nahi dugu, udal errekurtsoak era interesatu, alderdikoi eta okerrean erabiltzen ari baita”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun