Biotz Alai abesbatzak taldeko zuzendari izandako eta azaroan zendutako Juan Jose Gainzari omenaldia eskainiko dio asteazken honetan, apirilak 4, Getxoko Udalaren laguntzaz. 19:30ean, udal agintariak eta udalerriko gizarte ordezkariak bertan direla, Algortako Bariko San Nikolas parrokiako atarian plaka bat ipiniko dute, eliz horrek musika alorrean zituen behar guztiak asetzeko erabateko arduraz, bertako organo-jotzailea eta zuzendari korala 45 urtez izan zena gogoratzeko. Ondoren, 20:00etan, Biotz Alaik bere agendan egun hauetan ohikoa den eliz kontzertua eskainiko du. Oraingo honetan, Luigi Cherubiniren (1760-1842) Requiema eskainiko du re txikian kantata, Pedro Guallar kontzertista eta organo maisuak lagunduta. Horrek J.S. Bachen (1685-1750) zenbait preludio joko ditu. Argazkian, Juan Jose Gainza zena / © Biotz Alai abesbatza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun