Imanol Landa alkatearen arabera, proposamen berritzailea da, “belaunaldi arteko parkea egokitu duena, auzoko bizilagun guztiek gozatzeko parkea; mugitzeko zailtasunak dituzten pertsonentzako parkea ere; umeentzako estalitako jolasgunea duena; gazteentzako kirol askotako eta zaharrentzako gimnasia egiteko eremuak dituena; berdegune oso zabalak dituena eta hurbiltasuna eta segurtasuna transmititzen duena”. Horrez gainera, parke horren gaineko diseinua bertako "auzotarren iritziak aintzat hartuta" osatu dela azpimarratu dute udal arduradunek: "Haiek beren iradokizunak eta irizpideak helarazi dituzte, Udalarekin elkarlanean, eta horiekin prestatu da parkearen gaineko behin betiko proiektua".
Anbigua
Parkea jendearentzat irekiko den arren, bertako estalitako eremu batean lekutuko den anbigua oraindik ezin izango da erabili. Gaur egun, jardueraren gaineko proiektua tramitatzen ari dira eremu hori aurrerantzean zabaldu ahal izateko.
Kalea irekiko da
Halaber, eta Gernika parkearen inguruan, zirkulazioarentzat irekiko dira bihar, asteazken goizean, Gobela ibaiaren ondoan, Baserria eta Akaziak kaleen artean dagoen errepide tartea eta ibaiko pasealekuaren eta Elkano kalearen artean dagoen Akaziak kaleko zatia; biak ere Leioatik Getxorako noranzkoan, bertako saneamendu sareko lanak amaitu baitira, udal sare berria Partzuergoko hodi biltzaile nagusiarekin lotzeko lanak, alegia.
Neguriko Gernika parke berria iruditan (© Getxoko Udala)
Neguri auzoko behe aldean dagoen Gernika parkea, bihar, asteazkena, zabalduko dute herritarrek erabil dezaten, hamabi hilabetez egin dituzten zaharberritze eta egokitze lanak amaitu eta gero. 12.997 metro koadroko azalerarekin, Getxo udalerrian dagoen parkerik handiena da, tokiko arduradunek nabarmendu dutenez. Hasiera batean lanek 3.000.000 euro inguruko aurrekontua bazuten ere, azkenean 2.760.000 eurora murriztu da. Parkearen irekiera ofiziala Aste Santuaren ostean egingo da, une egokian iragarriko den egunean. Gernika parkeak kirol askotarako esparrua dauka, 350 metro koadro ingurukoa, eta estalitako bi esparru: lehenengoak 345 metro koadro ditu, eta bertan dira umeentzako jolaslekua, anbigu delakoa eta egoteko gunea dira. Bigarrenak 90 metro koadro ditu Egoteko esparrua ere bada, eta lehen gunea eta kirol askotarako alderdia banatzen ditu. Hori guztia berdegune zabal batez inguratua, 5.460 metro koadrokoa. Bertan 70 zuhaitz berri landatu dituzte, hala nola, haritzak, arteak, pagoak eta fruta-arbolak, eta bi gune ere egokitu dira sasoiko loreak laster landatzeko. Argazkia: © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun