Urtarrileko Osoko Bilkuran horren inguruan galdetzean, Gobernu Taldeak adierazi zuen, Partzuergoaren erantzunaren zain zegoela eta asmoa zuela inguru horretan egin behar zenaren inguruan auzokideei galdetzeko. Baina, noiz izango da hori? Nola izan daiteke proiektua diseinatu eta gero galdetzea auzokideei? Bankuen edo argien kolorea aldatzera mugatuko da berriz ere auzokideen parte hartzea?
Bildun argi daukagu hori ez dela udaletik bultzatu nahi dugun parte hartze eredua. Maidagan eta Andra Mari inguruko ikastetxeek, kultur elkarteak, auzo elkarteak zein bizilagunak badakite auzoak behar duena eta hori da, hain zuzen ere, Udalak Bizkaiko Garraio Partzuergoari jakinarazi behar diona. Ez dugu onartuko inori galdetu gabe diseinatutako proiekturik.
Bildutik Getxoko bizilagunak zein elkarteak animatzen ditugu Maidagan ingururako dituzten eskariak udalera zein Bidezabalen dagoen Bizkaiko Garraio Partzuergoko bulegora bidal ditzaten, horiek kontuan hartzeko exijituz. Guztion artean eraikiko ditugu gure auzoak!
Maidagan ingurua gaur egun iruditan (cc-by Getxoko Bildu)
Maidagan inguruko auzokideen urte luzeetako borrokak, metroaren lurperatzea ekarri du Getxora. Inguruko auzokoek maila horretako obra batek suposatzen duen zarata eta kalteak sufritu behar izan dituzte, baina horrek merezi izan du metro pasabidearen arriskua desagertu delako Getxotik behingoz. Orain 3.500 metro koadroko orubea gelditu da, erabilpena eta diseinua definitzeko zain. Zer behar du Maidagan inguruak 3.500 metro koadro horretan? Bedarra, bankuak, jolas‐guneak, aterpea, espazio hutsa, aparkalekuak, iturriak, komun publikoak…? Auzokoek inork baino hobeto dakite zer behar den beraien auzoan. Egunero paseatzen dute, umeekin jolasten dute, euren etxerako bidea egiten dute goizez zein gauez… Maidaganeko auzokideak dira euren auzoaren “espezialista” nagusiak. Dirudienez, Getxoko Udaleko Gobernu Taldeak ez du horrela ulertzen. Orubearen lanak Bizkaiko Garraio Partzuergoaren ardura badira ere, Getxoko Udalak zeresan asko du proiektu horretan. Partzuergoak 3.500 metro koadroetan egin ahal zenaren inguruko proiektu proposamena eskatu zion Udalari. Gobernu Taldeak, inori ezer jakinarazi gabe, proiektua bidali zion Partzuergoari. Argazkia: cc-by Getxoko Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun