Metroko greba batzordeak mezuari erantzuna eman eta bilera datorren astean izatea proposatu, du lan “gatazka lehen bai lehen eta era orokorrean” konpontzeko. Oharrak dio ere, “ez daudela prest gatazkaren puntu bakarrari irtenbidea bilatzeko” eta bileran “bost puntuak landu beharko dituztela”.
Sententzia
Martxoaren 28an jakinarazitako epaiak "argi uzten du enpresak ez dituela uztailaren 11ko akordioak bete", LAB sindikatuaren aburuz. Horixe bera da egungo gatazkaren abiapuntua. Ebazpenak dioenez, Metro Bilbaok hitzarmena bete zuen geltokietako ikuskatzaileei dagokienez, baina ez zuen adostutakoa bete gidari kopuruaren kasuan. Akordioak zioenez, gidarien kopuruak 162tik 166ra igaro behar zuen eta 175etik 182ra ikuskatzaileena.
Metro Bilbaoko LABen aburuz, "epaiak argi uzten du errelebo kontratuaren formularen baliogabetasuna" eta horrek esan nahi du, sindikatuak dioenez, "Metro Bilbaok ez duela enplegua egonkortasuna bermatu". Hortaz, LABek begi onez jo du epaia eta testuak dioena betetzera deitu du Txema Oleaga garrao enpresako zuzendaria. Bestalde, sindikatutik azaldu dutenez, akordioaren beste puntu baten inguruan –aitatasun edo amatasun arrazoiengatik 17 asteko baja izatearena– zuzendaritzak jarritako helegiteak atzera bota dituzte.
Metro Bilbaoko greba batzordeak apirilaren 16ko bilera aurreratzea eskatu dio garraio enpresako zuzendaritzari. Datorren astean egitea da sindikatuen proposamena, hilaren 10a eta 13a bitartean. Batzarra lehenago egitearen zergatia “lehen bai lehen gatazkaren bost puntuei irtenbidea bilatzea” litzateke. Apirilaren 16rako deitu du hurrengo lanuztea hiriarteko treneko greba batzordeak eta atzoko egunean zuzendaritzak langileei bilera bat eskatu zien egun berdinean “lan gatazkari irtenbidea” bilatzeko. Hala ere, langileek batzar hori aurreratzea eta datorren astean izatea eskatu dute. Goizean zuzendaritzak sindikatuei mezu bat helarazi zien aipatu egunean, 10:00etan, bilkura bat izateko. Oharrak zioen, “irtenbide bat bilatu nahi” ziotela gatazkari eta otsailaren 24an Lan Arloko 5. epaitegiak emandako sententziaren oinarriei. Baina, sindikatuetako ordezkariek jakitera eman dutenez, bilerak ez luke ekidingo egun horretarako 05:30etik 07:30era deituta dagoen lanuztea. Argazkian, atzo Bizkaiko Batzar Nagusietako Bilboko egoitzan izandako kontzentrazioa / © LAB Metro Bilbao.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun