EAJren ustez, "berezia" izango da aurtengo Aberri Eguna. Sekula baino gehiago ospatzekoa. "Bakean bizi garen lehen Aberri Eguna ospatuko dugu", azaldu zuen atzo Andoni Ortuzar BBBko presidenteak, ekitaldia aurkezteko agerraldian. Bilboko Plaza Barrian egingo dute ekitaldi politikoa "Aberri bizia. Nazio gehiago" lelopean, eta Iñigo Urkullu izango da hizlaria. Ezker Abertzalearen ustez, ordea, EAJ igandean "erromeriara" doa. "Beste urte batez, EAJ-PNVk estatu espainoleko eredura egokitzeko apustua egingo du igandeko ekitaldian, euskaldunontzat euskal estatua eraikitzeko gogoari muzin eginez. Hori de EAJ-PNVren benetako apustua", salatu dutenez. Aralar, Eusko Alkartasuna eta Ezker Abertzaleak dei egin dute, Independentistek deituta, aurten Iruñean ospatuko den Aberri Egunean parte hartzeko. Gazte Martxan ibilitako neska-mutilak ere bertara abiatuko dira. Argazkian, Gazte Martxaren aldeko ibilaldia Getxon.
Lehen Aberri Eguna egin zenetik 80. urteurrena beteko da aurten, eta, ordutik, "guda aldian, diktaduraren menpean edo terrorismo garaian" egin dela adierazi zuen atzo Andoni Ortuzar EAJren BBBko presidenteak. Eta nabarmendu zuen "lehen aldiz, indarkeriaren mehatxurik gabe, aukera politiko guztiak aldarrikatu daitezkeela" egingo dela. Bitartean, subiranotasunaren galeraren 500. urteurrena dugun honetan, Aralar, Eusko Alkartasuna eta Ezker Abertzaleak dei berezia egin diote euskal jendarteari, "hausnarketa komuna egin dezagun, eskubidez dagokigun subiranotasunaren bidea erein eta izan nahi duguna demokratikoki erabakitzeko". Beraien ustez, "Euskal Estatua berreskuratzeko ordua iritsi da". Eta UPNri esan diote "ongi entzun dezala belarritik, izan ere igandean are ozenago entzungo baititu independentziaren aldeko aldarrikapenak".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun