“Lopez-Basagoiti batetik. Eta bestetik, poltrona, moketa eta auto ofiziala kritikatzen zutenek. Hor daude, guri leporatzen ziguten poltrona berberean eserita eta moketa berbera egunero zapaltzen. Auto ofizialera igo bai. Baina ez dute oraindik errepidera ateratzen asmatu. Autoa ezin mugituz dabiltza, bolantea non dagoen ere ez dakitelarik. Hona hemen Euskadiren motor bizia! Euzko Alderdi Jeltzalea! Batzuek, PSE eta PP, hegoaldean dagoenari begiratzen diote. Mugitu ere ez dira egiten. Ebroren bestaldetik esaten dietenari adi”, gaineratu du Urkulluk. Jarraitu duenez, “besteek, iraultzailek, mundua hutsetik hasi nahian. Euskadi hutsean egongo bailitzan. Hutsean egongo ginateke bai, bere zain egon izan bagina! Eurak bai direla hutsaren hurrengoa!”.
Amaitzeko zera azpimarratu du: “gu ez gaitu inork geldituko. Euskadi beti aurrena eta aurrera. Orain, Europarako bidean jarri gara: Euskadi-k Europa-n dagokion tokia aldarrikatzen du. Euzko Alderdi Jeltzalea-k lan egingo du Euskadi Europa-n Nazioa izan dadin. Estonia eta Kroaziaren Europa. Eskozia, Katalunia eta Flandriaren Europa. Horixe da guk nahi dugun Europa.Garen moduan nahi gaituen Europa”.
Gaur Euzko Alderdi Jeltzaleak Bilboko Plaza Berrian ospatu duen Aberri Egunaren 80. urteurrenean, Iñigo Urkullu EBBko presidenteak egun berezi honi buruz adierazi duenez, “hitzak berak adierazten du bere esanahia, geure Aberriaren Egun nagusia. Gure aberria, demokrazian, etorkizunaren jabe. Geurea da etorkizuna. Inortxok ez du guri dagokiguna erabakiko. Askatasuna da gure jomuga. Guztiok gara Euskadi. Eta guztion artean eraiki beharra dugu. Baina kontuz! Ez gaitezen nahastu. Mugimenduak motorra behar du. Eta motor hori hementxe dago. Euzko Alderdi Jeltzalea da Euskadiren motorra. Hemen dago Herri honen motorra!”. EAJren buruzagiaren aburuz, “gu geu gara herri honi aurrera egiten lagundu dion motorra. Geroan ere lagunduko diona. Horra hor López-Basagoiti bikotea, pilotua eta bere sozioa. “Aldaketa” autora igo ziren elkarrekin. Eta, zer egin dute? Martxa txarto sartu eta autoa atzerantz doa. Autoa atzera, eta pilotua eta sozioa, egun osoan eztabaidan”. Argazkia: © EAJ.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun