Gainera, Getxo Kirolak erakundeak kontuan izan du iaz nerabeei zuzendutako Kirolet@n taldeak izan zuen arrakasta, eta plaza eskaintza bikoiztu egin du, aurten, besteak beste, hurrengo ekintzak eskainiz: batuka klaseak, surf, tirolina eta skate.
Aurre-inskripzioa
Alvaro Gonzalez Kirol zinegotziak azpimarratu duenez, “sistema berri horrekin abonaturik dauden pertsonek aurreko urteetako ilarak eta bertara joateko beharra edo egun eta ordu zehatz batean deitzeko beharra saihestuko dituzte. Hemendik aurrera hilabete oso bat izango dute Algortako Fadura eta Itzubaltzeta / Romoko Gobela kiroldegietako bulegoetara hurbiltzeko eta inskripzio orria betetzeko. Gero, inskripzioen emaitzak iragarki oholetan eta webgunean argitaratuko dira, eta helbide elektronikoa ematen diguten pertsonei posta bidez konfirmatuko zaie”.
Interesa duten pertsonek informazioa osotu dezakete Fadura (944 308 070) eta Gobelako (944 045 151) bulegoetan eta getxokirolak.getxo.net webgunean.
Hilabetez egongo da zabalik Getxoko kiroldegietako udako ikastaroetan izena emateko epea
Getxo Kirolak udal erakundeak udarako ikastaro eskaintza aurkeztu du: berrikuntzarik handiena aurre-inskripzio sisteman dago. Horrela, apirilaren 16tik maiatzaren 16ra arte, interesatutako pertsonek aurre-inskripzioa egin ahal izango dute. Epe hori amaituta, maiatzaren 18an, zozketa egingo da jendaurrean eta plazak automatikoki esleituko dira, kontuan izanda, eskaera egotekotan, pertsona bakoitzak ikastaro bakarrean eman ahal izango duela izena. Kirol eskaintzari dagokionez, azpimarratu behar da 1.800 toki baino gehiago eskainiko dituztela, aurreko urteko udan baino ehun gehiago; mendi-ibiliak eta abentura, tenis, padel, haurrentzako kirol ekintza eta igeriketa modalitateetan. Adin guztiei zuzendua dagoen eskaintza da, baina bereziki 4 urte bete dituzten umeei zuzendua dago. “Adin hori ezarri genuen”, dio Alvaro Gonzalez Kirol zinegotziak, “gure esperientzian oinarrituz, oinarrizko mugikortasun gaitasunak garatzen hasteko gutxieneko adina baita". Gaineratu duenez, "adin horretara heltzen ez direnek Txikigunean antolatzen diren ekintzez gozatu ahal izango dute”. Argazkian, hainbat haur tenisean jokatzen Gobela kiroldegian / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun