"Bost urte gazte gutxi batzuk gure herria martxan jarri nahi izan genuenetik, urteotan asko izan dira bizitako esperientziak, sortutako ekimenak, ikasitako gauzak...", adierazi dute Erandioko Gazte Asanbladako (EGA) kideek. Hori ospatzeko, apirilaren 18, 19 eta 21erako egitarau ederra prestatu dute. Gainera, aurtengo urteurrena berezia izango da benetan, gogoratu dutenez, "duela urtebete ametsa baino ez zena egi bihurtu baitugu ekinaren ekinez". "Udalaren traben gainetik, eta gazteon indarrari esker", Kalezulo gaztetxeak bere lehenengo kontzertua eskainiko du. 2011ko urritik auzolanean dihardute Erandioko neska-mutilek, eta larunbat honetan behingoz kontzertuez gozatzeko aukera izango dute. Aipatu egunean, jolasak, bazkaria, triki-batu-poteoa... ere izango dira. Bazkarirako txartelak salgai daude La Plaza tabernan, 10 eurotan. Bestalde, aipatu dutenez, badira aste batzuk Internet tresna berria martxan jarri dutela: Apirilak 18, asteazkena
Auzolanak (astebururako baietz gaztetxea prest!).
18:00 Bideokliparen grabaketa.
Apirilak 19, osteguna
20:30 Bigarren afari akustikoa, Todo o Nada kantautorearekin.
Apirilak 21, larunbata
12:00 Txupinazoa.
12:30 Ipuinkontalaria umeentzat.
13:00 Auzolanpiadak.
15:00 Gazte bazkaria (tiketak salgai La plaza tabernan. 10 euro bazkaria + kamiseta).
Ostean... Urgatz taldea.
18:00 Triki-batu-poteoa.
21:00 Kontzertuak gaztetxean: Siroka, Afu eta DJ Bull.
Erandioko Gazte Asanbladaren bosgarren urteurreneko kartela (jpg)
