Bestalde, lanak iraun bitartean, San Ignazio kaleko zamalanetarako gunea kendu egingo da, eta autobus-geltokia Legazpi kalera / Santi Brouard plazara aldatuko da. Era berean, Legazpi kaleko (taxi-geltokiaren on doan) geltokia kendu egingo da eta Antonio Trueba kaleko 21. zenbakiaren albora aldatuko da. San Ignazio kaleko edukiontziei dagokienez, kale horretan bertan birjartzen joango dira, obren garapenaren arabera.
Urbanizatzeko eta saneamendua hobetzeko obren ondorioz, Altzagako San Ignazio kalea itxita egongo da ibilgailuentzat, zortzi hilabeteko epean. Joan den ostegunean, hilak 12, zarratu zuten. Egoera berri horren aurrean, Urdaneta kaleko trafikoak noranzkoa aldatuko du. Izan ere, herrira sartzeko bide bihurtuko da, eta ez irteera-bide, udal iturriek zehaztu dutenez. Bestalde, Antonio Trueba kalean irteera-errei berri bat ahalbidetuko da (bi izatera igaroko da). Beraz, alboko aparkaleku bat kendu egingo da. Bitartean, Obieta eta Jado kaleek zirkulazio-noranzkoak mantenduko dituzte ohiko ordutegian, hau da, 13:30ak arte. Proiektu horren helburua ibilgailuen aurrean oinezkoek lehentasuna izatea da. Horretarako, espaloien zabalera handituko da eta galtzadaren zabalera murriztuko da; horrekin, bigarren ilaran aparkatzea saihestuko da. Argazkian, San Ignazio kalea / © Erandioko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun