Joan den uztailaren 7an Alex Arana Etxebarria plentziarra auto istripu batean zendu zen. Musikazale amorratua zen, ofizioz argi teknikaria eta zinema maite zuen mutila. Bestalde, Alex zinemazalea ere bazela eta, bere omenez datorren uztailean Mikrofilm Short Festival zinema beltz jaialdia egingo dute uztailaren 6 eta 7an Plentzian. Horren aurrerapen gisa, ostiral honetarako, hilak 20, film labur eta kontzertu jaialdia antolatu dute Leioan. Hitzordua 20:30ean jarri dute metro geltokitik gertu dagoen Kalian hiri kultur gunean. Horrenbestez, lehenik eta behin, "Birdboy", eta "She's lost control" pelikulak egongo dira ikusgai. Ondoren, Pedro Rivero eta Haritz Zubillaga zinegileek beraien proiektu berriri buruz hitz egingo dute. Azkenik, 22:30etik aurrera, Barents taldeak eskainiko du kontzertua. Sarrera 5 eurotan egongo da. Argazkia: © Barents.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun