BBVAren Areetako kutxazainetan baraualdia egin dute bi lagunek politika ekonomikoa salatzeko

Baraualdi txandakatua hasi du pertsona talde batek, politika ekonomikoak salatzeko. Ostiral gauerdian hasi zuten baraualdia lehendabiziko bi lagunek. Ez Irentsi ekimeneko kideak bi egunez egongo dira jan gabe, eta jango ez duten hori beharrean direnei emango diete, elkartasun seinale. Bi egunen ostean, beste bi lagunek hartuko diete txanda. Bizkaiko leku esanguratsuetan egingo dituzte barauak. Hain zuzen ere, Getxo eta Leioa udalerrietako ekintzaile banak astelehen eta asteartean egin zuten baraualdia Areetan BBVAren kutxazain automatikoak dauden lokalean. Besteak beste, "krisian eta gizartean bankak egiten duena" salatu dute. Bitartean, elkartasuna adierazteko asmoz bertatik igarotako 30 bat lagunei eskerrak eman dizkiete ekintzaileek. Argazkia: © Ez Irentsi.