Gero ongi etorri, zorionak eta eskerrak eman eta Euskal Preso Politikoen Kolektiboaren (EPPK) "indarra" azpimarratu egin zuen hizlari batek, "aurrera egiteko lehentasuna eta dugun konpromiso nagusia presoak eta iheslariak ekartzea dela" gogoratuz. Beristainek eskerrak eman zizkien bertaratutako guztiei, lagundu duten guztiei, eta gogora ekarri zuen preso eta iheslariak "herrira atoan" ekartzeko dugun beharra. "Sasian" dagoen jendea gogoratu zuen bereziki, horiek guztiak ere "herrira ekarri behar ditugula" esateko. Berriro eskerrak emanda amaitu zituen bere hitzak, "Eusko gudariak" kantatu, jendea agurtu, tabernako hormatik argazkia kendu eta gaueko giro beroan murgildu ziren guztiak.
Iker Beristaini egindako lehen harrera iruditan (public domain Algortako Herrira)
Ostiraleko 21:00etan irten zen Iker Beristain Soto del Realgo espetxetik. Fidantzarik gabe kaleratu da, oraindik kolaborazio karguak mantentzen badizkiote ere. Kartzeleko atarian zain zituen etxekoak eta lagunak, eta Euskal Herriko bidea hartu zuten, lehen besarkada eta musuen ostean. Algortara, larunbat goizaldeko 1:30ak aldera iritsi ziren. Herrian ere 200 lagun inguru zituen zain, eta bengala gorrien artean sartu zen auto karabana luzea jende artera, guztien txaloen eta oihuen artean. Besarkadak, malkoak, irriak, lagunak, kartzelan izandako kideak… denak elkartu ziren algortarrari harrera egin eta kaleko lehen une horietako berotasuna emateko. Loreak eskaini zizkioten, aurreskua, bertsolariek adarra jo, bere determinazioa goraipatu, kartzelan gelditu direnak gogoratu eta… surf taula berria eskaini ere egin zioten. Argazkiak, Iker Beristain bere irudia eskuan / public domain Algortako Herrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun