Arantza Urkaregi eta gainontzeko auzipetuak babestuko dituzte bihar Leioako campusean
D3M auzian, Arantza Urkaregi irakasle bilbotarraren aurka egingo den epaiketa salatzeko bihar, asteazkena, izango den kontzentrazioan parte hartzera deitu dute unibertsitate komunitatea hainbat eragilek. Hitzordua 13:00etan izango da Leioa eta Erandioko campuseko Mikel Laboa plazan, EILAS sindikatuak aurreratu duenez. Urkaregiri ez ezik, auzipetutako gainontzeko hamabi euskal herritarrei ere babesa emateko adierazpena irakurriko dute. Horiek guztiak 2009ko irailean auzipetu zituen Baltasar Garzon Espainiako Auzitegi Nazionaleko epaileak, "ETAko kide izatea edo erakunde armatua laguntzea" egotzita. Urte hartako martxoan D3Mk eta Askatasunak Eusko Legebiltzarrerako hauteskundeetara aurkeztu nahi izan zuten, baina Auzitegi Gorenak baliogabe utzi zituen, Batasuna legez kanpoko alderdiarekin harremana zutelakoan. Fiskalak 9 urteko espetxe zigorra eskatzen du Urkaregirentzat, baita Eli Zubiaga algortarrarentzat eta Iker Rodrigo lutxanarrarentzat ere. Argazkian, Arantza Urkaregi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun