Gizarte Zientziak eta Komunikazio Fakultateko ikasle asanbladak argitu duenez, "guzti hau gezurra den arren, egia izateko geroz eta hurbilago gaude. PPren gobernuak pribatizazioaren aldeko apustu irmoa erakutsi du eta hezkuntza ez da salbuespen bat. Nahiz eta Euskal Autonomi Erkidegoak ez duen Espainiar estatuak egindako proposamena aurrera eraman (matrikula %70 garestitzea datorren ikasturtean), matrikulak ez du poliki poliki igo eta igo besterik egiten. Azken bi urteetan %40 garestitu da eta etengabe gorantz doa".
Horren aurrean, Gizarte Zientziak eta Komunikazio fakultateko asanbladak "kalitatezko hezkuntza publiko baten alde" borrokan jarraitzeko asmoa berretsi du, "gure ikaskideek ikasten jarraitu ahal dezaten, ikasle orok ikasteko eskubidea eduki dezan". Hori dela eta, "pribatizazio guztien gainetik eta elitizazio guztien azpitik" ikasle borroka jorratzera deitu dute.
Pasa den asteartean, Leioa eta Erandioko Campuseko Gizarte eta Komunikazio Zientzien Fakultateko ikasle asanbladak unibertsitatean azken urteotan egiten dabiltzan murrizketak salatzeko ekimena egin zuen. Fakultateko ikasgela guztiak diru faltarengatik itxita zeudela esaten zuen ohartxo ofizial faltsu baten bidez, etorkizun hurbil bat irudikatu nahi izan zuten. Honako hau zioen aipatu ohar faltsuak: "Ikasle agurgarriak: EHUko aurrekontuetan egindako 12 milioi euroko murrizketaren ondorioz klase hau itxi egin dugu, azken bi urteetako matrikularen %30aren igoerarekin finantziazioa berreskuratu arte. Ez barkatu eragozpenak". Argazkia: cc-by-nc Gizarte eta Komunikazio Zientzien Fakultateko ikasle asanblada.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun