"Eta Karmele?" antzezlanaz egindako bideoa (© tipttap)
Ekimeneko kartela
Etzi, igandearekin, Iraia Elias eta Ainhoa Alberdi aktoreek girotutako "Eta Karmele?" euskarazko antzezlan feminista taularatuko dute Sopelako Sekeko gaztetxean, 19:30etik aurrera. Obra Samara Velte zarauztarrak idatzi zuen 2008ko azaroaren 25erako, Emakumeenganako Indarkeriaren Aurkako Nazioarteko Egunerako, baina ez zen estreinatu hurrengo urteko martxoaren 8ra arte, Emakumeen Nazioarteko Egunarekin batera. Veltek berak azaldu duenez, Samuel Beckett-en "Godot-i itxaroten" lanaren giro absurdoarekin antza handia du "Eta Karmele?"-ren gidoiak, nahiz eta obra hori lehenengo zirriborroa idatzi ostean irakurri zuen. Handik aurrera, Euskal Herri osoa zeharkatu dute Eliasek eta Alberdik, 50 emankizun baino gehiago eman dutela. Argazkian, "Eta Karmele?" antzezlanaren irudi bat Larrabetzuko Hori Bai gaztetxean / cc-by-nc-nd Joseba Barrenetxea Altuna.
50 minututan kontatzen duten istorioa bi emakumeren arteko elkarrizketa umoretsua da, eroa eta gazi-gozoa, pentsamendu zentzudunetik egoerarik absurduenera pausu ttiki bat besterik ez dagoela erakusten diguna. Umorea tresnatzat hartuta emakumeen kontrako indarkeriari buruzko gogoeta egiten du lan horrek. Izan ere, bi emakume auto batean eserita daude, nondik nora doan ez dakigun bide batean. Guztiaren erdigune, Karmele dugu. Nor ote da Karmele? Topatuko al dute? Nolakoa izango ote da? Zentzurik ba al du Karmeleren bila ibiltzeak? Baina batez ere... non dago Karmele? Argibide gehiagorako, Hitzen Uberan literaturari buruzko webgunean aktoreei eta gidoilariari egindako elkarrizketa irakur daiteke.
"Eta Karmele?" antzezlanaz egindako bideoa (© tipttap)
Ekimeneko kartela
"Eta Karmele?" antzezlanaz egindako bideoa (© tipttap)
Ekimeneko kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun