Ekimeneko bideoa (© Ezkerabertzalea.info)
"Estrategia nazionalerako engaiamendua" agiria
Ezker abertzalea, Aralar, EA, Alternatiba eta Abertzaleen Batasunak nazio estrategiarako akordioa aurkeztu eta sinatu dute gaur goizean Irungo Ficoban. Berria.info-k jakinarazi duenez, gaur abiatutako ildoa "indarrak biltzearen aldeko apustu sendo eta estrategikoa" dela esan dute, azken batean "Europan Euskal Herria nazio burujabea" lortzeko asmoz. Eraikuntza nazionalez gain, akordioak "eraldaketa soziala bultzatzeko" helburua ere jasotzen du "bakean, askatasunean eta justizia sozialean oinarritutako Euskal Herria eraikitzeko" bidean. Euskal gatazka politikoari dagokionez, berau bazterketarik gabeko elkarrizketen eta akordio demokratiko baten bidez gainditzea proposatu dute. Bertan, erabaki eskubidea giltzarri izango delakoan daude. Euskararen "aitortza, ofizialtasuna eta normalkuntza" Euskal Herri osoan aldarrikatu dute, "euskal identitatearen ikur nagusitzat" jota. Ekitaldian, besteak beste, ezker abertzaleko Rufi Etxeberria eta Anita Lopepek, Aralarreko Patxi Zabaleta eta Rebeka Uberak, EAko Pello Urizar eta Miren Urrestietak, Alternatibako Oskar Matute eta Amaia Agirresarobek eta ABko Peio Etxebarri-Aintziart eta Mertxe Colinak hartu dute parte. Argazkia: © Aralar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun