Uribealdeak eta Getxo Rugbyk derbia eta euskal txapela jokatuko dituzte bihar

Getxo Rugby Taldeak eta Plentziako Kakarraldok eta Mungiako Rugby Taldeak sortutako Uribealdeak derbiz erabakiko dute bihar, igandea, Hego Euskal Herriko ligako txapelduna zein izango den. Partida Faduran jokatuko dute goizeko 13:00etan. Norgehiagokan arituko diren jokalari askok, gainera, batera jolastu du aurreko hilabeteetan, Getxok eta Uribealdeak Espainiako Ohorezko Mailan lehiatzeko sortutako Bizkarians elkartean. Hortaz, laguntasun giroa esperokoa bada ere, norberak besteen ahultasun puntuak eta indarguneak ezagutzeak jokoari zorroztasunean ere eragingo dio. Finalera heltzeko getxoztarrek 60 eta 0 irabazi zioten Gazteizko gaztedikoei. Uribetarrek, ordea, 14 eta 0 nagusitu zitzaizkien La Unicako emakumezko iruindarrei. Finalaren aurretik, goizeko 10etan, Faduran bertan jokatuko da Hego Euskal Herriko ligaren kontsolamendurako finala, Gaztedi eta La Unicaren artean. Irabazleak hirugarren sailkatuko da. Argazkian, Maider Gutierrez Getxoko hegalekoa pase bat jasotzen Gaztediren aurkako partidan / © Getxo Rugby Taldea.